Um SFFÍ

Skipulagsfræðingafélag Íslands (e. Icelandic Planners Association, IPA) er fagfélag skipulagsfræðinga, en starfsheitið skipulagsfræðingur er lögverndað samkvæmt lögum nr. 8/1996. Markmið félagsins er að vinna að framgangi skipulagsfræðinnar sem sjálfstæðrar fræðigreinar hérlendis, t.d. með kynningar- og fræðslustarfsemi. Einnig að stuðla að faglegum vinnubrögðum á sviði skipulags og gæta faglegra hagsmuna félagsmanna.

Félagsmenn eru nú á annað hundrað talsins og eiga það sammerkt að hafa stundað nám í skipulagsfræði við innlenda og erlenda háskóla og unnið við skipulagsmál hér á landi. Skipulagsfræðingar hér á landi hafa í gegnum tíðina einkum sótt menntun sína til Norðurlandanna, Bretlands, Þýskalands, Bandaríkjanna og Kanada en árið 2011 voru tvær framhaldsnámsbrautir vottaðar af félaginu hér á landi sem fullgilt nám í skipulagsfræði. Í dag er M.Sc. námsbraut við Landbúnaðarháskóla íslands á Keldnaholti í Reykjavík.

Félagið er meðlimur í regnhlífarsamtökum skipulagsfræðinga í Evrópu, ECTP‑CEU (European Council of Spatial Planners – Conseil Européen des Urbanistes). Sjá nánar um félagið á ectp-ceu.eu/